Раководителот на одделението на Државниот архив од Куманово, м-р Вулнет Исени, учествуваше на V меѓународна конференција „Архивот и архивистиката во XX-XXI век на покана на организаторите, Општина Тузи од Република Црна Гора, Управата на архивите на Република Албанија и Агенција на архивите на Република Косово. М-р Исени зеде учество со сопствено излагање на тема „Развојот и дејноста на архивите во Македонија 1926 – 1951“ при што беше модератор на третиот дел од конференцијата.
Претставникот на Државниот архив присуствуваше на церемонијата на отворање на изложбата на познатиот скадарски сликар Фатмир Јука „Џублета Ентропиа“ во просториите на културно-информативниот центар „Малсиа“ во Тузи.
Државниот архив како институција во своите приоритети ја има меѓународната афирмација на развојот и достигањата на архивистиката во нашата држава.