Vllehët janë një popull me origjinë rumune dhe në Maqedoni njihen më shumë si Aromanci, Cincari dhe Kucovllasi. Vllehët në Maqedoni jetonin më shumë në fshatrat malore në Maqedoninë jugperëndimore dhe lindore dhe tani janë vendosur kryesisht nëpër qytete.
Me dekret të Sulltanit turk Abdul Hamid II, vllehët u njohën si një popull i veçantë në Perandorinë Osmane, gjë që u dha atyre të drejtën të zgjidhnin kryetarët e tyre (mukhtarët), të organizonin arsimin dhe faljen në kisha në gjuhën vllahe. Ata jetonin dhe punonin si bari dhe tregtarë të pasur, dhe njihen edhe për kostumet dhe qilimat e tyre vllahe.
Vllehët morën pjesë edhe në luftërat çlirimtare së bashku me popullin maqedonas, si heroi kombëtar Pitu Guli, Elpida Karamandi, Taki Daskalot e shumë të tjerë.
Komuniteti vllah me kulturën e zhvilluar gjatë historisë dha një kontribut të madh intelektual dhe artistik. Nikola Batsaria kontribuoi në histori si ministër në Perandorinë Osmane, me nënshkrimin e Traktatit të Paqes të Londrës, i cili i dha fund Luftës së Parë Ballkanike. Për letërsinë maqedonase poeti dhe shkrimtari i shquar Rajko Zhinzifov, për kinematografinë vëllezërit Milton dhe Janaki Manaki, për artin maqedonas në shekullin e 20-të, artisti dhe akademiku Nikola Martinovski, Toshe Proeski, si dhe shumë personalitete të tjera të shquara nga komuniteti vllah. Kan; lënë gjurmë në ndërtimin e jetës intelektuale e artistike.
Maqedonia është i vetmi vend në të cilin vllehët janë pjesë përbërëse e Kushtetutës dhe në përputhje me Ligjin për festat, 23 Maji është shpallur ditë jopune për komunitetin vllah. Arkivi Shtetëror uron të gjithë pjesëtarët e komunitetit vllah 23 Majin - ditën e vllehëve