Rrjeti arkivor

Arkivi shtetëror i Republikës së Maqedonisë ka mbi 1,300 fonde arkivore dhe 27 përmbledhje të dokumenteve, në një shumë totale prej 3,951 metra në gjatësi. Arkivi disponon përafërsisht 5,000,000 mikroregjistrime nga materiali arkivor me të cilën disponon Arkivi edhe me rreth 1,000,000 mikroregjistrime dhe 500,000 kopje xerox të materialit të hulumtuar në arkivat e huaja. Në Arkiv gjithashtu pranohet edhe material arkivor i digjitalizuar (10,811 regjistrime). Dokumenti më i vjetër që ruhet në Arkiv rrjedh nga shekulli i XII-të.

Me rëndësi të veçantë është fondi arkivor i Manastirit Kadillak (gjykata), i cili u krijua në vazhdimsi nga 1607 deri në 1912. Materiali arkivor nga ky fond i referohet rrethanave shoqërore dhe ekonomike në vilajetin e Manastirit (190 libra - sixhilë me gjithsej 40,000 akte të ndara, të shkruara në gjuhën turke të vjetër).

Nga koha e administratës turke në Maqedoni ruhen fondet për administratat rajonale (kajmakamlaci) për Prilep (1869-1912), Tetovë (1869-1912), administratat komunale në Veles, Koçan, Kratovë, Kriva Pallank, Kumanovë, Prilep, Radovish, Shkup, Tetovë dhe Shtip (1869-1912).

Nga koha e lëvizjes nacional-revolucionare të popullit maqedonas ruhen fondet e revolucionarëve dhe veprimtarëve të shquar maqedonas: Goce Delçev, Grigor Prliçev, Kuzman Shapkarev, Vojdan Çernodrinski, Petar Manxhukov, Dimitar Vllahov, Krste Misirkov dhe të tjerë, si dhe të rretheve të veçanta revolucionare të VMRO-së (1896 -1926).

Ruhen fondet e përqësuesve diplomatike (ambasadat, konsullatat) dhe agjensitë tregtare të Bullgarisë, Serbisë, Greqisë, Rusisë, Britanisë së Madhe, Francës, Austro-Hungarisë dhe Italisë në Turqi dhe Maqedoni (1830-1941).

Në Arkiv ruhen fondet kishtare të Kishës Ortodokse Greke në Maqedoni (1705-1917); të Ekzarkatit Bullgar në Maqedoni - mitropolitët, famullitarët e peshkopit, komunat kishtare dhe prefektët (1890-1912); të Kishës Ortodokse Serbe në Maqedoni - mitropolitët, famullitarët e peshkopit, komunat dhe administratat kishtare, administratat e kishave, kishat, manastiret dhe famullitë (1913-1941) dhe fondet e Bashkësisë Fetare Islame - administratat vakëfet, myftinjtë e rretheve, vakëfet e lagjeve - komisionet mearif dhe imamët (1919-1941).

Nga periudha e administratës Bullgare në Maqedoni (1915-1918)janë të ruajtura fondet për administratat e qarkut, rrethinave, qyteteve dhe komunave.

Për periudhën e administratës serbe në Maqedoni (1918-1941), janë të ruajtura fondet nga administrata e banska Banovina Vardari (1929-1941).

Nga koha e okupimit Bullgar të Maqedonisë (1941-1944) janë ruajtur fonde për administratat komunale të qarkut, rrethinave dhe qyteteve, drejtoritë dhe administratat e policisë, si dhe për gjykatat e ndryshme ushtarake.

Nga periudha e Luftës Popullore Çlirimtare në pjesën e Vardarit, Egjeut dhe Pirinit të Maqedonisë, ruhen fondet e njësive ushtarake: korpuse, divizione, brigada, batalione dhe çeta të Ushtrisë Nacionalçlirimtare dhe Forcave të Armatosura të Maqedonisë (1941- 1945)

Fondet e mëposhtme të organeve më të larta shtetërore janë ruajtur nga periudha e ndërtimit të Republikës Popullore të Maqedonisë: Kuvendi Antifashist i Çlirimit Popullor të Maqedonisë (KAÇPM) (1944-1945), Kuvendi Kombëtar i Republikës Popullore të Maqedonisë / Kuvendi i Republikës Federale të Maqedonisë (1945-1990), Qeveria e Republikës Popullore të Maqedonisë / Këshilli Ekzekutiv i Kuvendit të Republikës Federale të Maqedonisë (1945-1990), Presidenca e Republikës Federale të Maqedonisë (1974-1990 )

Në Arkiv ruhen fondet e organeve të administratës shtetërore të Republikës Popullore të Maqedonisë / FR të Maqedonisë, si më poshtë: ministritë, administratat kryesore dhe drejtoritë, komisionet, këshilli, etj. (1945-1990).

Arkivi disponon me fondet e organizatave socio-politike në Republikën Popullore të Maqedonisë, përkatësisht: Partia Komuniste e Maqedonisë / Bashkimi i Komunistëve të Maqedonisë, Fronti Popullor / BSPPM, sindikata, të rinjtë dhe luftëtarët e UÇPM-së (1943-1990).

Gjithashtu, një pjesë e fondeve të poseduesve në fushën e ekonomisë, bankave, arsimit, shkencës, kulturës dhe sporteve mbahen në Republikën Popullore të Maqedonisë (1945-1990).

Arkivi mban seancë dhe material tjetër arkivor të organeve më të larta shtetërore të Republikës së pavarur të Maqedonisë edhe atë si vijon: Presidenti i Republikës së Maqedonisë, Kuvendi i Republikës së Maqedonisë dhe Qeveria e Republikës së Maqedonisë (1991-2000).

Një pjesë të konsiderueshme e marrin fondet personale dhe familjare të: Andreevi nga Krusheva, Bogdanovi, Mashovi dhe Kirkovi nga Velesi, Bogdanovi nga Selaniku, Bogoeviq nga Tetova, Bojaxhievi nga Dibra, Isakovski dhe Pop Antovi nga Shkupi, Zozi dhe Danabash nga Manastiri, Popovi nga Prilepi, Robevi nga Ohri dhe të tjerët.

Përmbledhjet arkivore përbëhen nga fermane (1646-1859), berati (1702-1911), vakafnami (1574-1911), harta gjeografike dhe të tjerë.