Во текот на вчерашниот ден на отворањето на 31. Конвенција се обратија: директорот на Државниот архив д-р Емил Крстески, д-р Чарлс Фаруџа претседател на ЕУРБИКА, и претседателката на ИКАРУС, Биргит Кибал. Директорот Емил Крстески ги поздрави присутните и нагласи дека му претставува чест што Државниот архив е домаќин на Конвенцијата. Во работниот дел беа презентирани стручни трудови од областа на дигитализацијата и проекти кои се спроведуваат во некои од европските архиви. Конвенцијата продолжува со работа и денес, при што повеќе архивисти од Европа ќе презентираат стручни архивистички достигнувања.
