Arkivi Shtetëror afirmon vazhdimisht veprimtarinë arkivore dhe rëndësinë e institucioneve arkivore në shoqëri. Edukatorja e arkivit dhe arkivistja prej një kohe të gjatë, Nazmije Kurtish, me anëtarët e tjerë të stafit zhvillojnë dhe planifikojnë programe arsimore me prezantime të përshtatura për të tërhequr vëmendjen e nxënësve ndaj arkivistikës dhe historisë si një zgjedhje e mundshme për arsimim të mëtejshëm. Më 18 maj 2023 (e enjte), nxënësit nga SHMQS "SARAJ" - Shkup, vizituan Arkivin Shtetëror - pjesa qendrore me profesorin lëndor të Drejtësisë, Blerim Kovaçin. Në kuadër të vizitës, nxënësve u prezantua rëndësia e dokumenteve, procedura e organizimit dhe përpunimit të materialit arkivore, puna me hulumtuesit dhe përdorues. Pjesë e fondit të pasur të literaturës profesionale që disponon Arkivi Shtetëror dhe mënyra e kërkimit të titujve të librave ishin pjesë e përmbajtjes me të cilën u njohën nxënësit.
Në NJësinë për rregullimin dhe përpunimin e materialit arkivore - periudha osmane, patën rastin të shikojnë dokumentet dhe librat e rrallë të ekspozuar në gjuhën turke osmane. Nxënësit treguan interes të veçantë për prezantimin në Njësinë e konservimit dhe restaurimit të materialit arkivor dhe në Njësinë e teknologjisë së informacionit dhe digjitalizimit të materialit arkivor, duke vëzhguar metodat e trajtimit dhe mbrojtjes së dokumenteve me ndihmën e teknologjisë moderne.
Zëvendësdrejtori, prof. dr. Muzafer Bislimi përshëndeti nxënësit duke i kujtuar rolin e arkivave në shoqëritë moderne dhe hapi një diskutim për të gjitha pyetjet që ata kanë. Në fund të vizitës, nxënësit iu shpërndanë pyetësorë anonimë për të vlerësuar prezantimin, gjatë të cilit ai u vlerësua shumë dhe ata shprehën motivimin e tyre për të studiuar histori dhe studime arkivistike në të ardhmen.
