Државниот архив доби донација од страна на компанијата „Алкалоид”, која во рамките на својата програма за корпоративна општествена одговорност донираше возило „Шкода Рапид“ на институцијата. Оваа донација значително ќе придонесе за зголемување на ефикасноста и мобилноста на вработените во Архивот во извршувањето на работните задачи на терен.
Директорот на Државниот архив, д-р Наташа Котлар Трајкова се заблагодари за донираното возило од „Алкалоид” и истакна дека со овој чин уште еднаш се потврдува долгорочна посветеност на раководството на компанијата кон општествено одговорните иницијативи и вредности. Поддршката на државните институции и проекти од национален интерес е секогаш добредојдена.