Раководството на Државниот архив го поттикнува стручното усовршување на вработените во институцијата со пријавување на обуки на теми со кои се допира архивската дејност. Во петокот, на 6 декември 2024 година се одржа конференција за професионалци од ГЛАМ-институции, како галерии (galleries), библиотеки (libraries), (archives) архиви и музеи (museums) во библиотеката „Браќа Миладиновци“ од Скопје. Конференцијата на која присуствуваа архивисти од одделенијата на Државниот архив – Куманово и Скопје се состоеше од теоретски и практичен дел во однос на користењето на Википедија и давање придонес за развој на енциклопедијата. Создавањето содржини на Википедија и дигитализација на документи поврзани со културно-историското наследство беше клучна порака до учесниците на конференцијата.
Организатор на настанот беше здружението Википедија Македонија, кое додели сертификати на учесниците.
