Денес, директорот на Државниот архив м-р Димитар Богески присуствуваше на официјалното претставување на дигиталната збирка натписи и приказни ПРОМЕТЕЈ, достапна на веб-страницата https://prometheus-epigraphy.eu/. Настанот се одржа во Националниот археолошки музеј во Скопје, во организација на музејот и Филозофскиот факултет при Универзитетот „Св. Кирил и Методиј“ со поддршка на Creative Europe, како и од националните институции од Македонија, Србија и Бугарија.
Претставувањето на оваа дигитална платформа е значаен чекор во современото презентирање на културното и историското наследство. Државниот архив ја поддржува дигитализацијата и ваквите проекти, кои овозможуваат поголема достапност на културните извори и придонесуваат кон унапредување на научната и стручната работа.
