Денес, директорот на Државниот архив, м-р Димитар Богески, ги прими пензионерите на Архивот во неговиот кабинет.
Средбата помина во пријатна и топла атмосфера, исполнета со искрени разговори, сеќавања и заемна почит. Директорот Богески им изрази благодарност за нивниот долгогодишен труд, професионален ангажман и значаен придонес во развојот и зачувувањето на архивската дејност, нагласувајќи дека нивната работа претставува темел врз кој се гради современиот Државен архив.
Во духот на празниците, тој им посака добро здравје, лична среќа и мирна година исполнета со радост, истакнувајќи дека институцијата секогаш останува отворена за нив како дел од архивското семејство.
