Почитувани колеги,
Пред да ви ја честитам Новата година, сакам од срце да ви се заблагодарам на сите за соработката, трпението и посветеноста што секојдневно ја вложувате во работата. Вашиот труд и придонес се од исклучително значење за функционирањето и развојот на Државниот архив.
Водењето на една ваква институција не е лесна задача и без вашата поддршка, професионалност и разбирање, тешко би можел успешно да одговорам на обврските и предизвиците со кои се соочуваме.
Ви благодарам и за разбирањето и за заедништвото што го покажувате. Како и во секое семејство, и кај нас постојат различни мислења и повремени недоразбирања, но најважно е што остануваме обединети, ги решаваме предизвиците заеднички и чекориме напред со меѓусебна почит и доверба.
Убеден сум дека и во годината што следи, со заеднички напори ќе продолжиме да го унапредуваме архивското работење и да ја зајакнуваме улогата на Државниот архив како чувар на националната меморија.
Ви посакувам добро здравје, радост, среќа, мир во душите, професионални успеси и исполнување на сите ваши лични и семејни желби.
Среќна и успешна Нова година!
м-р Димитар Богески
Директор на Државниот архив
