Во посета на Државниот архив беше амбасадорот на Обединетото Кралство и Северна Ирска, Н.Е Метју Лосон, при што оствари работен состанок со директорот, м-р Христа Најданов. На состанокот директорот се заблагодари за целосната поддршка која амбасадата ја дава во насока на развој на архивската дејност. Државниот архив пред извесен период прими британска донација во опрема и материјали за Одделението за конзервација и реставрација на архивски материјал кое беше посетено од амбасадорот и во рамките на посетата му беа презентирани резултати од процесот на работа. Заштитата на архивската документација овозможува нејзино траење и сочувување во интерес на истражувачите.
