Во рамките на 34. Конференција – Меѓународни архивски денови 2024 година, организирана од Меѓународниот институт за архивистика од Трст и Марибор, Универзитетот Alma Mater Europaea и Историскиот архив на Европската Унија, како и во рамките на проектот OPENARCH – Open archives for social science research in widening countries, заменик директор на Државниот архив, м-р Димитар Богески се сретна со директорот на Историскиот архив на Европската Унија, проф. д-р Дитер Шленкер. На средбата беше разговарано за вклучување на Државниот архив во проекти и дискусии насочени кон прилагодување на нашиот Закон за архивски материјал кон европското архивско законодавство, а Светлана Успрцова, раководител на сектор за истражување, меѓународна и домашна соработка и публикување на архивски материјал го презентираше начинот на работа во Државниот архив, со посебен акцент на роковите за користење на јавниот архивски материјал.
