На 21 август 2024 година, во просториите на Исламската верска заедница (ИВЗ) во Скопје, се одржа работен состанок, кој се одвиваше во пријатна и конструктивна атмосфера. На состанокот присуствуваа архивските професионалци Назмије Куртиш и Блерта Емини и реис ул улема ефенди Шаќир Фетаху, г. Ирсал Јакупи, секретар на ИВЗ, г. Мумин Омеров, одговорен за архивата на ИВЗ.
Главна тема на состанокот беше можноста за соработка и зачувување на историските документи на ИВЗ. Учесниците на состанокот разменија информации за архивските материјали и книги, притоа претставниците на ИВЗ изразија големо задоволство за соработката со Државниот архив. Покрај тоа, разгледани се можностите за заеднички публикации и проекти, како и за создавање фонд за зачувување на материјалите.
Состанокот заврши со изразена благодарност од двете страни за посветеноста и соработката, која ќе придонесе за развој на институционалните односи и заштита на културното и историското наследство на ИВЗ.
