Државниот архив на Република Северна Македонија и Исламската верска заедница, во просториите на ИВЗ на 3 септември 2024 г. одржаа состанок за нивната понатамошна соработка. На состанокот присуствуваа претставници од двете институции: директорката на Државниот архив д-р Наташа Котлар, државниот советник м-р Емилија Роп, раководителот на Сектор Светлана Успрцова, како и помлад соработник Назмије Куртиш и Блерта Емини, од страна на ИВЗ реис ул улема Шаќир еф. Фетаху, генералниот секретар Ирсал Јакупи, шеф на кабинет Абдулкерим Исени, директор на Халал Стандард Дритон Дикена и проф. д-р Омер Мумин.
Претставниците на Исламската верска заедница ги презентираа своите архивски материјали и важната работа што ја вршат во зачувувањето на верското и културното наследство. Двете страни изразија интерес за формирање заеднички фондови и дигитализација на архивските документи, нагласувајќи ја потребата за размена на материјали и продлабочување на соработката.
Директорката на Државниот архив, д-р Наташа Котлар, ја изрази својата благодарност за топлото гостопримство и ја подвлече важноста на меѓусебната соработка. Реис ул улема Шаќир еф. Фетаху ја поддржа иницијативата на Државниот архив и нагласи дека ИВЗ е подготвена да развие понатамошна соработка за зачувување и промовирање на културното и верското наследство.
На крајот на посетата претставниците на Државниот архив ја посетија архивската единица на ИВЗ, каде што се запознаa со документите и материјалите што се чуваат таму, како и со начинот на работа.
