Më 17 shtator 2025, në Manastir, në prani të shumë përfaqësuesve nga jeta kulturore, arsimore-shkencore dhe publike e qytetit, u mbajt promovimi i Monografisë kushtuar tetëdhjetëvjetorit të ekzistencës së Institucionit Kombëtar – Biblioteka Universitare “Shën Klimenti i Ohrit” – Manastir. Promotore e monografisë ishte prof. dr. Natasha Kotlar-Trajkova, drejtoreshë aktuale e Arkivit Shtetëror të RMV-së, e cila theksoi se tetë dekadat nga themelimi i bibliotekës e deri në ditët e sotme nuk përfaqësojnë vetëm një kornizë kohore, por një vertikale historike me rëndësi, e ngritjes, përparimit dhe ruajtjes së trashëgimisë kulturore dhe të shkrimit maqedonas.
Autorët e këtij punimi të gjerë janë mr. Emilija Stefanovska-Davkova dhe dr. Anita Anxhelevska, sipas të cilave botimi monografik është krijuar me synimin që të jetë jo vetëm dëshmi e historisë së pasur të institucionit, por edhe një dokument që jeton me kohën dhe flet me të ardhmen.
