Më 28 mars 2022, Arkivi shtetëror i Republikës së Maqedonisë së Veriut, dr. Emil Krsteski drejtor, dhe prof.dr. Muzafer Bislimi zv. drejtor, e mirëpritën delegacionin e Agjencisë shtetërore të arkivave të Kosovës, në të cilën zhvilluan takim zyrtar në kuadër të bashkëpunimit tradicional të mirë ndërmjet tyre si dhe Marrëveshjes aktuale që ata kanë.
Delegacioni nga Agjencia shtetërore e arkivave të Kosovës udhëhiqej nga z. Bedri Ziberaj, drejtor, i cili shoqërohej nga znj. Shpresa Mekaj, drejtoreshë e Njësisë të politikave zhvillimore dhe z. Besim Pireva.Në takimin e punës me delegacionin nga Kosova ishte i pranishëm edhe z. Vlorat Gashi, ministër-këshilltar në Ambasadën e Republikës së Kosovës në Shkup.
Gjatë vizitës dr. Emil Krsteski dhe prof. dr. Muzafer Bislimi pati nderin të bisedojë me z. Bedri Ziberaj për aktivitetet që kanë pasur dy institucionet arkivore në periudhën e kaluar dhe për mundësitë për realizimin e projekteve konkrete të përbashkëta, që do të nënkuptojnë botime të përbashkëta, përkatësisht koleksione dokumentesh dhe ekspozita të përbashkëta arkivore.
Delegacionit të Kosovës i’u prezantua mënyra e punës në Arkivin tonë, si dhe Njësia e sapoformuar për rregullimin dhe përpunimin e materialeve arkivore të periudhës osmane. Në fund u zhvillua edhe një vizitë në shtëpinë përkujtimore të Nënë Terezës.
