Udhëheqësi i njësisë së Arkivit Shtetëror nga Kumanova, mr.Vulnet Iseni, mori pjesë në Konferencën V Ndërkombëtare "Arkivat dhe arkivistika në shekullin XX-XXI me ftesë të organizatorëve, Komuna e Tuzit nga Republika e Malit të Zi, Drejtorija e arkivave të Republikës së Shqipërisë dhe Agjencia e Arkivave të Republikës së Kosovës. Mr. Iseni mori pjesë me prezantimin e tij më temën "Zhvillimi dhe veprimtaria e arkivave në Maqedoni 1926 - 1951" dhe ishte moderator në pjesën e tretë të konferencës.
Përfaqësuesi i Arkivit Shtetëror mori pjesë në ceremoninë e hapjes së ekspozitës së piktorit të njohur shkodran Fatmir Juka "Xhubleta Entropia" në ambientet e Qendrës Kulturore-Informative "Malsia" në Tuz.
Arkivi Shtetëror si institucion ka në prioritetet e tij afirmimin ndërkombëtar të zhvillimit dhe arritjeve të arkivistikës në vendin tonë.