Drejtorët e Arkivit Shtetëror të Sllovenisë, Kroacisë, Bosnjës dhe Hercegovinës, Maqedonisë së Veriut dhe Arkivit të Jugosllavisë, Dr. Bojan Cvelfar, Dr. Dinko Çutura, Dr. Danijela Mrda, Dr. Emil Krsteski dhe Dr. Milan Terziç, mbajtën një takim pune në Shkup ku u diskutuan konkluzionet e takimit të kaluar në Beograd dhe rezultatet e arritura deri më tani. Theksi kryesor u vu në dixhitalizimin e dokumenteve historike nga viti 1918 deri në vitin 1991 që gjenden në Arkivin e Jugosllavisë dhe marrjen e materialeve arkivore që janë me interes për vendet pasardhëse të RSFJ-së. Bashkë u konstatua se ky proces duhet të intensifikohet dhe në kuadër të takimit u vendos një lidhje direkte video me një fondacion nga Zvicra, i cili duhet të mbështesë zbatimin e projektit të dixhitalizimit. Me këtë Maqedonia mund të kryejë në mënyrë më efikase shkarkimin e dokumenteve dhe kopjeve origjinale të rëndësishme nga ajo periudhë, të cilat kanë të bëjnë me historinë e saj.
