Arkivi Shtetëror i Bosnje dhe Hercegovinës ishte nikoqir i takimit të përfaqësuesve të arkivave të shteteve pasardhëse të ish-Republikës Socialiste Federative të Jugosllavisë (RSFJ). Delegacioni i Maqedonisë, i udhëhequr nga drejtori i Arkivit Shtetëror, z. Dimitar Bogeski, mori pjesë aktive në këtë takim, ku u diskutuan çështje me interes të përbashkët që lidhen me materialin arkivor dhe proceset e sukcesionit, me theks të veçantë në digjitalizimin e trashëgimisë së përbashkët arkivore. Në qendër të diskutimeve ishte edhe projekti për digjitalizimin e fondit të Presidencës së Republikës Popullore Federative të Jugosllavisë (RPFJ), ku u theksua rëndësia e sigurimit të qasjes në kopje digjitale për të gjitha shtetet pasardhëse. Ky takim përfaqëson vazhdimin e bashkëpunimit ndërkombëtar ndërmjet arkivave të rajonit, me synim mbrojtjen, qasjen dhe menaxhimin bashkëkohor të trashëgimisë arkivore të ish-shtetit të përbashkët.
