Ky jubile është më shumë se një numër – ai është dëshmi e qëndrueshmërisë, përkushtimit dhe misionit historik të institucionit që ruan kujtesën e popullit dhe të shtetit. Arkivi është një dëshmi e gjallë e historisë sonë, e rrugëtimit të shtetësisë dhe identitetit kulturor, e të gjitha atyre dokumenteve dhe dëshmive që ndërtojnë kujtesën tonë kolektive.
Në këto shtatë dekada e gjysmë, Arkivi Shtetëror e ka përmbushur misionin e tij: të jetë ruajtës i burimeve autentike, të sigurojë qasje për studiuesit dhe qytetarët, si dhe të përcjellë rëndësinë e trashëgimisë arkivore te brezat e ardhshëm. Ai është urë lidhëse ndërmjet së kaluarës dhe së ardhmes, garanci që historia jonë do të mbetet e gjallë dhe e qasshme.
Një mirënjohje e veçantë u takon të punësuarve – arkivistëve, studiuesve, personelit teknik dhe të gjithë atyre që me përkushtimin dhe dashurinë ndaj profesionit e mbajnë Arkivin si një institucion me rëndësi kombëtare. Puna e tyre është e heshtur, por thelbësore: ata janë ruajtësit e dokumenteve që tregojnë historinë e Maqedonisë. 75 vjet Arkiv – kjo është festë e historisë, festë e punës dhe festë e së ardhmes.
Gëzuar jubileun tonë!
Le të vazhdojmë së bashku ta ruajmë kujtesën e shtetit tonë, ta kultivojmë historinë dhe ta përcjellim atë te brezat e ardhshëm me të njëjtën dashuri dhe përkushtim që na ka udhëhequr gjatë këtyre 75 viteve.
