Sot, drejtori i ri i Arkivit Shtetëror të Maqedonisë, m-r. Dimitar Bogeski, zyrtarisht mori detyrën nga paraardhësi i tij.
Për drejtorin Bogeski, kjo pozitë nuk është privilegj, por detyr – me qëllimin e qartë për ta bërë punën e Arkivit transparente, të hapur, të përgjegjshme dhe të arritshme për të gjithë qytetarët. Ai shprehu mirënjohjen e tij ndaj drejtoreshës së mëparshme për angazhimin dhe kontributin e saj në periudhën e kaluar.
Arkivi si institucion zë një vend të rëndësishëm në vendin tonë. Ai është mbrojtës i historisë dhe identitetit të Republikës së Maqedonisë, duke siguruar vazhdimësi midis të kaluarës, të tashmes dhe të ardhmes.
Kjo është hera e parë në shumë vite që një person nga radhët e punonjësve vjen në krye të një pozicioni kaq prestigjioz - me 19 vjet përvojë pune, i cili ka kaluar nëpër të gjitha hapat në institucion. Kjo përvojë është me rëndësi të paçmuar dhe do të ndihmojë në kapërcimin e të gjitha sfidave me të cilat përballen punonjësit dhe përdoruesit e shërbimeve të Arkivit.
Qëllimi i drejtorit të ri është që Arkivi të jetë i hapur për të gjithë, për të dëgjuar ide dhe zgjidhje të ndryshme për një punë më të mirë dhe më efikase. Mbi të gjitha, ai është këtu për punonjësit, të cilët janë shtylla e institucionit dhe përkushtimi i të cilëve është çelësi i zhvillimit të tij.
Drejtori Bogeski beson në punën e përbashkët dhe të përkushtuar, qëllimi i së cilës është ngritja e Arkivit në një nivel më të lartë - si një institucion modern që do të sigurojë dixhitalizim, qasje më të madh të dokumenteve, forcimin e rolit shkencor dhe arsimor, si dhe promovimin e trashëgimisë kulturore për publikun vendas dhe ndërkombëtar.
Arkivi Shtetëror mbetet një institucion që garanton kujtesën e shtetit dhe ndërton besimin e qytetarëve. Me energji dhe vizion të ri, ai do të vazhdojë të jetë një themel i dijes dhe një urë lidhëse drejt së ardhmes.