KËRKOHET LOKACION PËR NDËRTESË TË RE PËR ARKIVIN SHTETËROR

Sot në Kuvendin e RMV është mbajtur një takim pune e Ministres pa resor, Zorica Apostolska, me Drejtorin e Arkivit Shtetëror Dr. Emil Krsteski. Në takim u diskutua për tejkalimin e problemeve aktuale në lidhje me ndërtesën ekzistuese ku ndodhet Arkivi Shtetëror. Në këtë drejtim, bashkërisht është vërtetuar se ekziston nevoja për një objekt të ri që do të përmbushë standardet evropiane dhe botërore për nevojat e një arkivi. Kështu, Ministrja Apostolska dhe Drejtori Krsteski konfirmuan vendimin e dhënë nga ana e Qeverisë së RMV për të zgjidhur këtë çështje afatgjatë.