Më 3 maj në ora 12 në Qendrën promovuese në kuadër të Panairit të 34-të Ndërkombëtar të Librit u promovua libri “Dokumentet osmane për historinë e Maqedonisë, regjistrimet nga shekulli XIX i popullsisë së krishterë në Sanxhakun e Shkupit - Kaza Shkup 1832/33” , libri 2, pjesa 1 e doc. dr. Adnan Sherifi. Promotor i librit ishte prof. dr. Vladimir Janev, i cili përveç biografisë së autorit, theksoi rëndësinë e këtij botimi jo vetëm për Arkivin Shtetëror por edhe për lexuesin e gjerë. Në fund të promovimit foli edhe autori dr. Adnan Sherif, i cili falënderoi të pranishmit dhe theksoi rëndësinë e librit për kërkime të mëtejshme.
