Në Njësinë Rajonale të Shkupit, dje u mbajt një takim pune me përfaqësues nga njësitë rajonale, i kushtuar përmirësimit të punës, shkëmbimit të përvojave dhe forcimit të bashkëpunimit ekipor. Gjatë takimit u hapën çështje që lidhen me proceset e përditshme të punës, sfidat me të cilat përballen njësitë rajonale, si dhe mundësitë për rritjen e efikasitetit dhe përmirësimin e cilësisë së shërbimeve. Shkëmbimi i përvojave praktike dhe mendimeve kontribuoi në një vlerësim të përbashkët të gjendjes dhe në përcaktimin e drejtimeve për punën e mëtejshme. Kjo praktikë do të bëhet e rregullt edhe në të ardhmen, pasi është me rëndësi të veçantë që institucioni të jetë në kontakt të vazhdueshëm me njësitë rajonale. Në këtë mënyrë jo vetëm që ruhet lidhja e drejtpërdrejtë me të punësuarit, por sigurohet edhe vazhdimësia dhe rrjedha e pandërprerë e proceseve. Takime të tilla përfaqësojnë një hap të rëndësishëm drejt forcimit të ekipit, koordinimit më të mirë dhe përmirësimit të funksionimit të përgjithshëm të institucionit. Për më tepër, ato krijojnë hapësirë për ide dhe iniciativa të reja që do të kontribuojnë në modernizim dhe transparencë edhe më të madhe në punë.
