6-10 QERSHOR 2022 - JAVA NDËRKOMBËTARE E ARKIVAVE
Dita Ndërkombëtare e Arkivave festohet nga të gjitha arkivat dhe arkivistët anembanë botës që nga viti 2009, organizuar nga Këshilli Ndërkombëtar për Arkivat (International Council on Archives –ICA), një organizatë ndërkombëtare joqeveritare që inicon përparimin e punës arkivore dhe promovon punën arkivore dhe mbrojtjen e trashëgimisë arkivore botërore . Kjo organizatë është themeluar në vitin 1948 dhe ka rreth 1400 anëtarë nga 199 vende dhe territore dhe ka bashkëpunim të ngushtë me Këshillin e Evropës, UNESCO-n dhe shumë organizata të tjera. Në këtë ditë, profesionistët e arkivave organizojnë një sërë aktivitetesh përmes të cilave duan të tërheqin vëmendjen e publikut për rëndësinë e dokumenteve dhe arkivave si institucione që i ruajnë dhe mbrojnë ato. Ndër prioritetet kryesore të arkivave në kohët moderne është hapja dhe qasje jo vetëm për historianët, por për të gjithë qytetarët.
Dita Ndërkombëtare e Arkivave është rritur me kalimin e viteve në Javë Ndërkombëtare të Arkivave dhe këtë vit profesionistët janë të ftuar të diskutojnë në kuadër të takimeve online të cilat do të jenë to organizuara në temat se çfarë do të thotë të jesh arkivist dhe çfarë pasqyrojnë vërtet të dhënat arkivore.Dokumentet përmbajnë histori për të kaluarën, të tashmen dhe në të ardhmen ato do të na ndihmojnë të kuptojmë se kush jemi dhe çfarë duam të jemi..Tema kryesore nën të cilën do të zhvillohet Java e katërt Ndërkombëtare e Arkivave është #ArchivesAreYou.Në pesë ditët kushtuar Javës Ndërkombëtare të Arkivave # IAW2022, ekspertë nga e gjithë bota do t'i bashkohen takimeve online me tema të ndryshme. Takimi online i parë për anëtarët e Këshillit Ndërkombëtar të Arkivave do të jetë më 6 qershor 2022, me temë: Teknologjitë e reja.
Arkivi Shtetëror do të përfshihet në shënimin e javës Ndërkombëtare të Arkivit duke promovuar të arriturat e institucionit në media, duke organizuar një ekspozitë për jetën dhe veprën e një artisti të njohur nga Prilepi. Bashkëpunimi me poseduesit privatë të materialit arkivor ndër prioritetet e Arkivit Shtetëror dhe në shenjë të besimi dhe mirënjohjeje të ndërsjellët do të ndahen letra falënderimi për qytetarët që kanë dhuruar dokumente me vlerë.