Në Beograd është mbajtur takimi i drejtorëve të Arkivave Shtetërore të vendeve të ish RSFJ-së. Përfaqësues nga Sllovenia, Kroacia, Maqedonia e Veriut, Bosnja dhe Hercegovina dhe Arkivi i Jugosllavisë ranë dakord për dinamikën e marrjes së dokumenteve historike nga viti 1945 deri në 1992 dhe digjitalizimin e tyre.
“Për ne Arkivi i Jugosllavisë mbetet i hapur dhe kemi theksuar se ka interes për marrjen e dokumenteve origjinale që janë të rëndësishme për Maqedoninë në atë periudhë kohore”- tha drejtori dr. Emil Krsteski pas takimit në Beograd.
Një nga konkluzionet e takimit i cili u mbajt pas 11 vitesh ngecje, është se këto takime duhet të jenë më të shpeshta dhe të intensifikohet procesi i sukcesionit të dokumenteve historike dhe të përshpejtohet procesi i digjitalizimit të tyre. Takimi i radhës për dorëzim është rënë dakord që të mbahet në Ohër, në fund të marsit 2023.
