Në qytetet holandeze Sitard dhe Mastriht po mbahet Konventa e 30-të e Këshillit Ndërkombëtar për Kërkime Arkivore – ICARUS, me temë: “Arkivat dhe gjurmët e migrimit”. Në takim u diskutua për mënyrën se si arkivat në botë trajtojnë proceset e migrimit, veçanërisht me materialin arkivor që dëshmon migrimin.
Drejtori i Arkivit Shtetëror, dr. Emil Krsteski, pjesëmarrës në panel diskutimesh, theksoi se në kohët e fundit ballafaqohemi me emigrimin e njerëzve me arsim të lartë nga vendet e Ballkanit drejt Evropës dhe botës, për të cilin nuk ka të dhëna të sakta dhe që paraqet një problem serioz për shumë vende. “Emigrimi është një temë veçanërisht e rëndësishme edhe sot, dhe gjurmët e tij janë të dukshme në arkivat në Evropë vetëm me shembuj nga e kaluara. Shumica e organizatave dhe institucioneve duhet të diskutojnë dhe shkëmbejnë më shpesh ide, vizione dhe projekte specifike në lidhje me këtë temë, në mënyrë që të krijohen partneritete të reja, por edhe mundësi për planifikim dhe zbatim të projekteve të reja në lidhje me regjistrimin e emigrimeve në kohët e fundit”, theksoi drejtori i Arkivit Shtetëror dr. Emil Krsteski. Asambleja e Përgjithshme e IKARUS-it njëzëri e pranoi propozimin e tij për mbajtjen e Konventës së 31-të të kësaj organizate ndërkombëtare në vjeshtë në Shkup dhe Ohër.
Në Konventë u mbajtën gjithashtu disa seminare, dhe gjatë Asamblesë së Përgjithshme, znj. Birgit Kibal nga Arkivi Kombëtar i Estonisë, u zgjodh presidente e re e IKARUS, dhe anëtarët e rinj të IKARUS - konsorciumi dhe anëtarët e rinjë u prezantua edhe Bordi Ekzekutiv i saj.
