Arkivistët kanë një profesion krijues dhe mbajnë përgjegjësi të madhe për ruajtjen e kujtesës kombëtare. Arkivi Shtetëror, duke ua paraqitur shkencën arkivore si profesion nxënësve të shkollave të mesme, në fakt kontribuon në përcaktimin e karrierës së të rinjve në të ardhmen. Nxënësit e vitit të parë nga SHMQSH "Pançe Arsovski" nga Shkupi, dje në Arkiv kanë bërë një vizitë edukative së bashku me profesorin e lëndës Spase Bllazhevski.
Në rolin e edukatores arkivore, arkivistja Nazmije Kurtish i njohu studentët me domethënien e dokumenteve si dëshmi të së shkuarës të destinuara për të tashmen dhe të ardhmen. Bibliotekistja Lemka Ramadanova i njohu nxënësit me koleksionin e librave të bibliotekës arkivore, procedurën e përdorimit të materialeve arkivore dhe librave. Dokumentet si burim për historinë e Maqedonisë në periudhën osmane i prezantoi si temë nga Mustafa Alioski. Trajtimi, përkatësisht mbrojtja e dokumenteve në Njësinë për konservim dhe restaurim të materialit arkivor, Tulaj Ademi e prezantoi si një proces jashtëzakonisht të rëndësishëm.
Zëvendësdrejtori, mr.Dimitar Bogeski, i priti studentët në zyrën e tij, ku diskutuan për përshtypjet e tyre nga puna arkivore dhe mundësinë e zgjedhjes së shkencës arkivore si profesion në të ardhmen. Me atë rast ai u tha se ishin gjithmonë të mirëpritur në institucion.
