Drejtori i Arkivit shtetëror dr. Emil Krsteski dhe një pjesë e stafit drejtues të këtij institucioni, si në dy vitet e kaluara këtë vit, morën pjesë në konferencën virtuale ndërkombëtare “RootsTech”, e cila u mbajt nga 3 deri më 5 mars.Për organizimin e kësaj konference përgjegjëse është ,,FamilySearch International,,organizata më e madhe gjenealogjike në botë, me qendër në Salt Lake City, Utah, SHBA, e themeluar në 1894 si Shoqata gjenealogjike e Utah. Konferenca ,,RootsTech" është me interes për të gjithë ata që janë të përfshirë në kërkimin e historisë familjare dhe mbahet çdo vit që nga viti 2011.
Konferenca e sivjetme ,,RootsTech" u hap nga menaxheri i përgjithshëm i ,,FamilySearch "Steve Rockwood dhe në të morrën pjesë përfaqësues nga më shumë se 200 vende, temat u prezantuan në 12 gjuhë dhe u organizuan në më shumë se 1500 seanca, shumica e të cilave mund të gjenden në linkun e mëposhtëm;
www.rootstech.org
Shumica e temave të prezantuara në konferencë kishin të bënin me mundësinë e përmirësimit të kërkimit të dokumenteve në kohën dixhitale; mënyrën e organizimit të hulumtimit; historia familjare - pjesë e jetës së përditshme; kërkimi i të afërmve me rezultate të ADN-së; lidhja midis gjenealogjisë dhe etnologjisë; ballafaqimi me dilemat etike në botën e internetit dhe shumë të tjera.